काठमाडौँ । साताको पहिलो कारोबार दिन नै सुनचाँदीको मूल्य घटेको छ । नेपाल सुनचाँदी व्यवसायी महासंघले जारी गरेको तथ्यांक अनुसार आइतबार सुन प्रतितोला ५ सय रुपैयाँले घटेको हो ।
तथ्यांक अनुसार आज छापावाल सुन प्रतितोला एक लाख ५० हजार २०० रुपैयाँमा कारोबार भईरहेको छ। अघिल्लो कारोबार दिन शुक्रबार सुन प्रतितोला एक लाख ५० हजार ७ सय रुपैयाँमा कारोबार भएको थियो।
त्यसैगरी आज चाँदी मूल्य पनि २५ रुपैयाँले घटेको छ । महासंघका अनुसार आज चाँदी प्रतितोला १ हजार ७ सय ९० रुपैयाँमा कारोबार भइरहेको छ । शुक्रबार चाँदी १ हजार ८ सय १५ रुपैयाँमा कारोबार भएको थियो ।
आज प्रति १० ग्राम सुनको मूल्य १ लाख २८ हजार ७ सय ७० रुपैयाँ र प्रति १० ग्राम चाँदीको मूल्य १ हजार ५ सय ३४ रुपैयाँ ५० पैसा कायम भएको छ ।
