काठमाडौँ । सशस्त्र प्रहरी वल (एपीएफ) ले ठूलो संख्यामा जनशक्ति माग गरेको छ।
एपीएको प्रधान कार्यालय अन्तर्गतको मानवस्रोत विभागले शुक्रबार एक सूचना जारी गर्दै सशस्त्र प्रहरी निरीक्षकदेखि जवानसम्म गरेर एक हजार एकसय ७९ जना जनशक्ति माग गरेको हो।
सूचना अनुसार ६८ जना निरीक्षक, ८३ जना सहायक निरीक्षक, ९४१ जना जवान, २० जना भान्से, १९ जना कुचिकार, १० जना सूचिकार, २४ जना परिचर र १४ जना चर्मकर्मी माग गरिएको हो।
योग्यता पुगेका इच्छुक नेपाली नागरिकले यही पुस २४ गतेदेखि आगामी माघ २४ गतेसम्म निवेदन दिन सक्नेछन्।
इच्छुक व्यक्तिले तोकिएका कागजपत्र सहित सशस्त्र प्रहरी बलको प्रधान कार्यालय हलचोक स्वयम्भुमा आवेदन दिन सक्नेछन् । तोकिएका पदहरुमा १२ सय रुपैयाँदेखि २ सय रुपैयाँसम्म आवेदन शुल्क तोकिएको छ ।
