काठमाडौँ । कालिमाटीस्थित स्वर्णलक्ष्मी बहुउद्देश्यीय सहकारीको बचत ठगी प्रकरणमा पक्राउ परेका दुई जना धरौटीमा रिहा भएका छन् ।
काठमाडौं जिल्ला अदालतले उनीहरुलाई मंगलबार रिहा गर्न आदेश दिएअनुसार रिहा गरिएको जिल्ला प्रहरी परिसर काठमाडौंले जनाएको छ ।
रिहा हुनेमा उक्त सहकारीको लेखा समिति सदस्य सुनिता नेवा चार लाख र सञ्चालक समिति सदस्य कमल लामा तीन लाख धरौटीमा रिहा भएका हुन ।
सरकारी वकिलको कार्यालयले आइतबार राष्ट्रिय स्वतन्त्र पार्टीका सभापति रवि लामिछानेसहित ३९ जनालाई प्रतिवादी बनाउँदै सहकारी ठगी र संगठित अपराधको कसुरमा मुद्दा दायर गरेको थियो ।
कार्यालयले ६९० बचतकर्ताको एक अर्ब १९ करोड ३० लाख ९० हजार ४९३ रुपियाँ हिनामिना गरेको आरोप लगाउँदै सात बर्षसम्मको जेल सजायको माग गरिएको छ ।
