काठमाडौँ । साताको पहिलो कारोबार दिन नै सुनचाँदी दुबैको मूल्य बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुन र चाँदी दुबैको मूल्य बढेको हो ।
शुक्रबारको तुलनामा आइतबार सुन प्रतितोला १ हजार ६ सय रुपैयाँ र चाँदी प्रतितोला १५ रुपैयाँले बढेको हो । आइतबार सुनको मूल्य प्रतितोला १ लाख ५५ हजार ७ सय रुपैयाँ र चाँदीको मूल्य प्रतितोला १ हजार ८ सय ६० रुपैयाँ कायम भएको छ ।
शुक्रबार सुन प्रतितोला १ लाख ५४ हजार १ सय रुपैयाँ र चाँदी प्रतितोला १ हजार ८ सय ४५ रुपैयाँमा कारोबार भएको थियो ।
