काठमाडौँ । रुपन्देही जिल्ला अदालतको आदेशअनुसार १ करोड रुपैयाँ धरौटी बुझाएर रवि लामिछाने रिहा भएका छन् । राष्ट्रिय स्वतन्त्र पार्टी (रास्वपा) का सभापति समेत रहेका लामिछानेलाई रुपन्देही जिल्ला अदालतले आइतबार १ करोड रपैयाँ धरौटी माग गरेको थियो ।
अदालतको आदेश अनुसार प्रभुु बैंक ग्यारेन्टी बसेपछि उनि रिहा भएका हुन् । रुपन्देहीबाट रिहा भएसँगै उनले यसअघि दुई जिल्ला अदालतको आदेश अनुसार १ करोड २५ लाख रुपैयाँ धरौटी बुझाइसकेका छन् । उक्त दुबै अदालतमा प्रभु बैंक नै ग्यारेन्टर बसेको थियो ।
लामिछानेलाई यसअघि पोखराको सूर्यदर्शन सहकारी प्रकरणमा कास्की जिल्ला अदालतले ६५ लाख र कालिमाटीको स्वर्णलक्ष्मी सहकारी प्रकरणमा काठमाडौं जिल्ला अदालतले ६० लाख धरौटीमा रिहा गर्न आदेश गरेको थियो ।
सहकारी ठगीको प्रकरणमा उनीविरुद्द चितवन र पर्सामा पनि अनुसन्धान भइरहेको छ । अब उनले यी दुई जिल्लामा पनि उपस्थित हुनुपर्नेछ । तर, यी दुई जिल्लामा उनीविरुद्द मुद्दा भने दायर भइसकेको छैन ।
