काठमाडौँ । अख्तियार दुरुपयोग अनुसन्धान आयोगले नेपाल टेलिकमका निवर्तमान कार्यकारी निर्देशक सुनिल पौडेलविरुद्ध घुस लिएको आरोप भ्रष्टाचार मुद्दा दायर भएको छ ।
आयोगले बिहीबार पौडेलले ३ करोड ८ लाख रुपैयाँ घुस खाएको आरोप लगाउँदै अर्काे मुद्दा दायर गरेको हो ।
उनीमाथि राष्ट्रिय सूचना प्रविधि केन्द्रको कार्यकारी निर्देशक रहेका बेला खरिदमा संलग्न कम्पनीहरूबाट घुस लिएको आरोपमा मुद्दा दायर भएका हो ।
एफ–५ नामको खरिदकर्ता कम्पनीका प्रतिनिधि दिपक आनन्दसँग मिलेर ठेक्कापट्टा गर्दा घुस लिएको आरोप पौडेलविरुद्ध छ ।
अख्तियारले यसअघि पनि राष्ट्रिय सूचना प्रविधि केन्द्रमा भ्रष्टाचार गरेको अभियोगमा पौडेलविरुद्ध भ्रष्टाचार मुद्दा दर्ता गरिसकेको छ ।
