काठमाडौं । विपक्षी दलहरुको अवरोधपछि प्रतिनिधि सभाको बैठक स्थगित भएको छ। कांग्रेस सांसद तथा राज्यव्यवस्था समितिका सभापति रामहरि खतिवडाले बोलेको अभिव्यक्तिप्रति आपत्ति जनाएर विपक्षी दलहरुले अवरोध गरेपछि सभामुखले १५ मिनेटका लागि बैठक स्थगित गरेका हुन्।
विपक्षी दलका सबै सांसदहरु उठेपछि सदन अवरुद्ध भएको थियो। शून्य समय सकिएपछि सांसद खतिवडालाई बोल्न दिइएको थियो। सांसद् खतिवडाले रास्वपा सभापति रवि लामिछानेले पदको दुरुपयोग गरेको भनेपछि रास्वपाका सासद्हरुले खतिवडाको अभिव्यक्ति संसदको रेकर्डबाट हटाउन माग गरेका छन्।
