काठमाडौँ । मेलम्ची खानेपानी आयोजनाको पाइप फुट्दा काठमाडौंको बबरमहल क्षेत्र जलमग्न बनेको छ ।
बुधबार दिउँसो पाइप फुटेपछि त्यस क्षेत्रमा रहेको विशेष अदालतलगायतका सरकारी कार्यालयहरू बाढी पसेर जलमग्न बनेका छन् ।
ठूलो पाइप भएकाले वितरण केन्द्रबाट बन्द गर्दा पनि जमेको पानी आउने क्रम रोकिएको छैन । बबरमहलमै रहेको विशेष अदालतमा चलिरहेको मुद्दाको सुनुवाइ नै रोकिएको छ । अन्य सरकारी कार्यालयका काम पनि रोकिएका छन् ।
मेलम्ची खानेपानी आयोजनाको पाइप पटक–पटक फुट्ने समस्या दोहोरिरहेको छ । खानेपानीको पाइप फुटेपछि अहिले त्यस क्षेत्रको खानेपानी वितरण प्रणाली बन्द गरिएको छ ।
