काठमाडौँ । साताको पहिलो कारोबार दिन नै सुनचाँदी दुबैको मूल्य ह्वात्तै घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुन प्रतितोला २ हजार ७ सय रुपैयाँले घटेको हो ।
गत शुक्रबार तोलामा एक लाख ७० हजार २ सय नाघेको सुन आइतबार घटेर १ लाख ६७ हजार ५ सय रुपैयाँ कायम भएको छ ।
यस्तै, शुक्रबारको तुलनामा चाँदी प्रतितोला १५ रुपैयाँले घटेको छ । शुक्रबार प्रतितोला १ हजार ९ ससय ७० रुपैयाँ कायम भएको चाँदीको मूल्य आइतबार घटेसँगै प्रतितोला १ हजार ९ सय ५५ रुपैयाँ कायम भएको छ ।
© 2026 All right reserved to cnnkhabar.com | Site By : SobizTrend
