काठमाडौँ । पछिल्लो समय सुनको मूल्य निरन्तर बढ्न थालेको छ । नेपाल सुनचाँदी व्यवसायी महासंघले सार्वजनिक गरेको पछिल्लो तथ्यांक अनुसार सुनको मूल्य १ लाख ७० हजार रुपैयाँभन्दा माथि पुगेको छ ।
बिहीबारका लागि महासंघले सुनको मूल्य प्रतितोला १ लाख ७१ हजार रुपैयाँ तोकेको छ । बुधबारको तुलनामा बिहीबार प्रतितोला ५ सय रुपैयाँले बढेर सुनको मूल्य बढेको हो ।
यस्तै, बिहीबार सुनसँगै चाँदीको मूल्य समेत बढेको छ । बुधबारको तुलनामा बिहीबार चाँदी प्रतितोला १० रुपैयाँले बढेर १ हजार ९ सय ९५ रुपैयाँ कायम भएको हो । बुधबार चाँदी प्रतितोला १ हजार ९ सय ८५ रुपैयाँ कायम भएको थियो ।
