काठमाडौँ । साताको पहिलो कारोबार दिन सुनको मूल्य उकालो लागेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुनको मूल्य प्रतितोला ३ सय रुपैयाँले बढेको हो ।
अन्तिम कारोबार अर्थात गत शुक्रबार तोलामा १ हजार रुपैयाँले घटेर प्रतितोला १ लाख ७० हजार रुपैयाँ कायम भएको सुनको मूल्य आइतबार प्रतितोला ३ सय रुपैयाँले बढेर १ लाख ७० हजार ३ सय रुपैयाँ कायम भएको छ ।
यस्तै, आइतबार सुनको मूल्य उकालो लाग्दा चाँदीको भने घटेको छ । महासंघको तथ्यांक अनुसार आइतबार चाँदी प्रतितोला २० रुपैयाँले घटेर १ हजार ९ सय ७० रुपैयाँ कायम भएको छ ।
