काठमाडौं । सोलुखुम्बु लिखुपिखे गाउँपालिकाको कार्यालयमा आगलागी भएको छ । आगलागीबाट घर पूर्ण रूपमा क्षति भएको छ । जिल्ला प्रहरी कार्यालय सोलुखुम्बुका अनुसार स्थानीय रुद्रबहादुर खत्रीको घरमा तीन वटा शाखा सञ्चालन हुँदै आएको थियो ।
आइतबार दिउँसो एक बजे बिजुलीको तार सर्ट भएर आगलागी भएको प्रारम्भिक अनुसन्धानबाट खुलेको छ ।
गाउँपालिकाले उक्त घरमा प्राविधिक शाखा, स्टोर शाखा र प्रधानमन्त्री रोजगार शाखा सञ्चालन गर्दै आएको थियो । घटना लगत्तै प्रहरी चौकी चौलाखर्कबाट प्रहरी वरिष्ठ नायब निरीक्षकको टोली घटनास्थलमा पुगेको थियो ।
