काठमाडौँ । गत १५ गते शुक्रबार राजावादीहरूले आयोजना गरेको आन्दोलनका कमान्डर तोकिएका दुर्गा प्रसाईंले आफू नेपालमै रहेको दाबी गरेका छन् । हाल फरार रहेका प्रसाईंले नेपाल छाडिसकेको सुरक्षास्रोतको दाबीविपरीत उनले आफू नेपालमै रहेको बताएका हुन् ।
सोमबार साँझ प्रसाईंले आफ्नो सचिवालयको फेसबुकमा स्टाटस लेखेर आफू नेपालमै रहेको र रणनीति बनाइरहेको दाबी गरेका हुन् ।
‘शिकार गर्नु भन्दा पहिला सिंह पनि एक कदम पछि हटछ,अनि पुन: आक्रमण गर्छ । दुर्गा प्रसाई सिंह नै हो,अब छिट्टै तिमीहरु को मलामि लिएर आउदैछ,भ्रष्टाचारि हो, मैले त लुक्ने ठाउँ भेटेको छु नेपाल मै छु,भाबी रणनीति तयार गर्दैछु,तर तिमीहरू ले त्यो पनि पाउदैनौ, बुझिराख१ जय रास्टवाद’, उनले सामाजिक सञ्जालमा लेखेका छन् ।
उनले आफूलाई सिंहको संज्ञा दिदैँ अब छिट्टै तिमिहरुको मलामि लिएर आउँने भन्दै लुक्ने ठाउँ खोजेर बस्न समेत चेतावनी दिएका छन् ।
