काठमाडौँ । नेपाली बजारमा सुनको मूल्यले मंगलबार पनि नयाँ रेकर्ड कायम गरेको छ ।
नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आज सुन तोलामा १८ सय रुपैँयाले बढेर नयाँ रेकर्ड कायम गरेको हो । सोमबार तोलामा ११ सयले बढेर रेकर्ड तोडेको सुनले आज पुनः नयाँ रेकर्ड बनाएको हो ।
सुनको मूल्यले नयाँ रेकर्ड कायम गरेसँगै मंगलबार प्रतितोला १ लाख ७९ हजार ७ सय रुपैयाँ कायम भएको छ ।
अघिल्लो कारोबार दिन सोमबार सुन तोलामा एक लाख ७७ हजार ९ सय रुपैयाँका कारोबार भएको थियो ।
यस्तै, आज चाँदीको मूल्य भने स्थिर रहेको छ । आज चाँदी दुई हजार ३५ रुपैयाँमा कारोबार भइरहेको महासङ्घले जनाएको छ । सोमबार पनि चाँदीको सोही मूल्यमा कारोबार भएको थियो ।
आज प्रति १० ग्राम सुनको मूल्य एक लाख ५४ हजार ६५ रुपैयाँ र प्रति १० ग्राम चाँदीको मूल्य एक हजार ७ सय ४४ रुपैयाँ ५० पैसा कायम भएको छ ।
