काठमाडौँ । पछिल्लो केही दिन यता निरन्तर बढेर रेकर्ड ब्रेक गरेको सुनको मूल्य बुधबार भने घटेको छ । नेपाल सुनचाँदी व्यवसायी महासङ्घको तथ्यांक अनसार बुधबार प्रतितोला ६ सय रुपैयाँले सुनको मूल्य घटेको हो ।
महासङ्घका अनुसार बुधबार छापावाल सुनको मूल्य तोलाको एक लाख ७९ हजार १ सय रुपैयाँमा कारोबार भइरहेको छ । अघिल्लो कारोबार दिन मंगलबार सुन तोलामा एक लाख ७९ हजार ७ सय रुपैयाँका कारोबार भएको थियो ।
यस्तै, आज चाँदीको मूल्य पनि घटेको छ । आज चाँदी प्रतितोला १५ रुपैयाँले घटेर दुई हजार २० रुपैयाँमा कारोबार भइरहेको महासङ्घले जनाएको छ । मंगलबार चाँदी २ हजार ३५ रुपैयाँमा कारोबार भएको थियो।
आज प्रति १० ग्राम सुनको मूल्य एक लाख ५३ हजार ५५० रुपैयाँ र प्रति १० ग्राम चाँदीको मूल्य एक हजार ७ सय ३२ रुपैयाँ कायम भएको छ ।
