काठमाडौँ । गरिमा विकास बैंक लिमिटेडको डेबिट÷क्रेडिट कार्ड प्रयोग गरी दराजबाट सामान खरिद गर्दा १५ प्रतिसतसम्म छुट पाउने भएका छन् ।
बैंकले नयाँ वर्ष २०८२ लाई मध्यनजर गरी सो छुट योजना सार्वजनिक गरेको हो । उक्त योजना सार्वजनिक भएसँगै अब गरिमा विकास बैंकका ग्राहकले दराज मार्फत सामान गरिद गर्दा १५ प्रतिशतसम्म छुट पाउनेछन् ।
यस छुट योजना अन्तर्गत विकास बैंकका क्रेडिट कार्डहोल्डर ग्राहकहरुले दराजको बेवसाईट वा मोबाईल एपमार्फत कुनै पनि सामान खरिद गर्दा १५% वा अधिकतम ७५० रुपैयाँसम्म र डेविट कार्ड होल्डर ग्राहकहरुले १०% वा अधिकतम ५०० रुपैयाँसम्म छुट प्राप्त गर्नेछन् ।
छुट योजना २०८१ चैत्र २२ गतेदेखि सुरु भई २०८१ चैत्र ३१ गतेसम्म लागू हुनेछ । गरिमा विकास बैंकका कार्डहोल्डर ग्राहकहरुले यस योजना सुरु भएपश्चात दराजको बेवसाईट वा मोबाईल एपमा उपलब्ध हुने यस विकास बैंकको नाँउको भौचर संकलन गरी छुट प्राप्त गर्न सक्नेछन् ।
हाल, गरिमा विकास बैंकले देशभर १२३ शाखा कार्यालय, १ एक्स्टेन्सन कार्यालय र ५० एटिएम मार्फत सरल, सुरक्षित एवं गुणस्तरीय सेवा प्रवाह गर्दै आईरहेको छ ।
