काठमाडौँ । पछिल्लो २ दिनमा सुनको मूल्य झन्डै ६ हजार रुपैयाँले घटेको पाइएको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार गत शुक्रबार र आइतबार गरी २ दिनको अबधिमा सुनको मूल्य ५ हजार ८ सय रुपैयाँले घटेको हो ।
गत शुक्रबार प्रतितोला ३ हजार ९ सय रुपैयाँले घटेको सुनको मूल्य आइतबार समेत प्रतितोला १ हजार ९ सय रुपैयाँले घटेको हो ।
रेकर्ड ब्रेक गरेर सुनको मूल्य घटेसँगै आइतबार छापावाल सुनको मूल्य तोलाको एक लाख ७४ हजार ५ सय रुपैयाँमा कारोबार भइरहेको छ । अघिल्लो कारोबार दिन शुक्रबार सुन तोलामा एक लाख ७६ हजार ४ सय रुपैयाँका कारोबार भएको थियो ।
यस्तै, आज चाँदीको मूल्य पनि ७० रुपैयाँले घटेको छ । आज चाँदी एक हजार ८ रुपैयाँमा कारोबार भइरहेको महासङ्घले जनाएको छ । शुक्रबार चाँदी एक हजार ८७० रुपैयाँमा कारोबार भएको थियो।
आज प्रति १० ग्राम सुनको मूल्य एक लाख ४९ हजार ६ सय ५ रुपैयाँ र प्रति १० ग्राम चाँदीको मूल्य एक हजार ५ सय ४३ रुपैयाँ कायम भएको छ ।
