काठमाडौँ । नागरिक उन्मुक्ति पार्टी (नाउपा) का संरक्षक रेशम चौधरी रिहा भएका छन् । सर्वोच्च अदालतको अनधिकृत पत्रका आधारमा प्रज्ञा प्रतिष्ठानबाट पक्राउ परेका उनलाई लगत्तै डिल्लीबजार कारागार लगिएको थियो ।
प्रहरीले उनलाई दिउँसो १ बजे पक्राउ गरेको थियो । त्यसपछि कारागार पुर्याइएका उनलाई भर्खरै डिल्लीबजार कारागारबाट छाडिएको हो ।
नाउपा र जनमत पार्टीबीचको एकता घोषणा सभा हुर्दै गर्दा बुधबार दिउँसो प्रहरीले चौधरीलाई पक्राउ गरेको थियो । प्रज्ञा भवन कमलादी परिसरबाट सादा पोशाकमा रहेका प्रहरीले नियन्त्रणमा लिएर डिल्लीबजार कारागार पु¥याइएका थिए । सुरुवाती चरणमा पक्राउको कारण नखोलिएपनि पछि पुरानो केश रहेको चर्चा चलेको थियो ।
चोधरी पक्राउको पत्र नै बाहिरिएपछि पत्र शंकास्पद र कानुनसम्भत नभएको भन्दै आलोचना भएको थियो । उक्त आलोचनासँगै प्रहरीले पत्र जारी गर्ने सर्वोच्च अदालतका शाखा अधिकृत महिमान सिंह विष्ट पक्राउ परेका छन् ।
उनलाई सर्वोच्च अदालत परिसरबाटै प्रहरीले पक्राउ गरेको हो । उनलाई जिल्ला प्रहरी परिसर भद्रकाली लगिएको छ ।
रेशम चौधरीलाई कैद गर्ने पत्र कानुनसम्मत नदेखिएपछि सर्वोच्च अदालतले अर्को पत्र पठाएर थुनामुक्त गरेको हो ।
