काठमाडौँ । पछिल्लो ३ दिनमा सुनको मूल्य ६ हजार रुपैयाँले घटेको छ । नेपाल सुुनचाँदी व्यवसायी महासंघले सार्वजनिक गरेको तथ्यांक अनुसार आइतबार, सोमबार र मंगलबार गरी तीन दिनमा सुनको मूल्य ६ हजारले घटेको हो ।
महासंघले सार्वजनिक गरेको तथ्यांक अनुसार मंगलबार सुन प्रतितोला २ हजार रुपैयाँले घटेको छ । यस्तै, सोमबार प्रतितोला ३ हजार ७ सय रुपैयाँ र आइतबार ३ सय रुपैयाँले घटेको थियो ।
मंगलबार सुन घटेसँगै छापावाल सुनको मूल्य तोलाको एक लाख ८४ हजार ८ सय रुपैयाँमा कारोबार भइरहेको छ । अघिल्लो कारोबार दिन सोमबार सुन एक लाख ८६ हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य भने बढेको छ । महासङ्घका अनुसार आज चाँदी एक हजार ९७० रुपैयाँमा कारोबार भइरहेको छ । अघिल्लो कारोबार दिन सोमबार चाँदी एक हजार ९६० रुपैयाँमा कारोबार भएको थियो ।
आज प्रति १० ग्राम सुनको मूल्य एक लाख ५९ हजार ४३५ रुपैयाँ र प्रति १० ग्राम चाँदीको मूल्य एक हजार ६८९ रुपैयाँ कायम भएको छ ।
