काठमाडौँ । लगातार घटेको सुनको मूल्य बुधबार भने बढेको छ । आईतबारदेखि मंगलबारसम्म तीन दिनको अबधिमा ६ हजार रुपैयाँले घटेको सुनको मूल्य बुधबार भने बढेको छ ।
नेपाल सुनचाँदी व्यवसायी महासङ्घका अनुसार बुधबार सुन प्रतितोला पाँच सय रुपैयाँले बढेको हो । छापावाल सुनको मूल्य तोलाको एक लाख ८५ हजार ३ सय रुपैयाँमा कारोबार भइरहेको छ । अघिल्लो कारोबार दिन मंगलबार सुन एक लाख ८४ हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य भने घटेको छ । महासङ्घका अनुसार आज चाँदी एक हजार ९६० रुपैयाँमा कारोबार भइरहेको छ । अघिल्लो कारोबार दिन मंगलबार चाँदी एक हजार ९७० रुपैयाँमा कारोबार भएको थियो ।
आज प्रति १० ग्राम सुनको मूल्य एक लाख ५८ हजार ८६५ रुपैयाँ र प्रति १० ग्राम चाँदीको मूल्य एक हजार ६८० रुपैयाँ ५० पैसा कायम भएको छ ।
