काठमाडौँ । बुधबार र बिहीबार दुई दिनमा सुनको मूल्य झन्डै ७ हजार रुपैयाँले बढेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार बिहीबार सुनको मूल्य प्रतितोला १ हजार ७ सय रुपैयाँले बढेको हो ।
बुधबार तोलामा ५ हजार रुपैयाँ बढेको सुनको भाउ बिहीबार बढेसँगै दुइ दिनमा सुनकाे मूल्य प्रतिताेला ६ हजार ७ सय रुपैयाँले बढेकाे हाे । आजका लागि सुनको मूल्य प्रतितोला १ लाख ९१ हजार ५ सय रुपैयाँमा कायम भएको छ ।
यस्तै, आज चाँदीको मूल्य पनि बढेको छ । महासङ्घका अनुसार आज चाँदी २ हजार २५ रुपैयाँमा कारोबार भइरहेको छ । बुधबार चाँदी एक हजार ९९० रुपैयाँमा कारोबार भएको थियो ।
आज प्रति १० ग्राम सुनको मूल्य एक लाख ६४ हजार १८० रुपैयाँ र प्रति १० ग्राम चाँदीको मूल्य एक हजार ७ सय ३६ रुपैयाँ कायम भएको छ ।
