काठमाडौँ । सरकारले नयाँ उद्योगीलाई सुरुका ३ वर्ष भाडा छुट दिने भएको छ ।
बिहीबार संसद्मा आर्थिक वर्ष २०८२/०८३ को बजेट प्रस्तुत गर्दै अर्थमन्त्री विष्णु पौडेलले उद्योगीले ३ प्रतिशत निर्यात गरे विशेष उद्योग सरहको सुविधा उपलब्ध गराउने समेत जानकारी दिए ।
‘उद्यो व्यवसाय दर्ताका लागि प्रविधियुक्त बनाइने छ, नयाँ उद्योगलाई सुरुका ३ वर्षका भाडा छुट दिइने छ,’ बजेट बाचन गर्दै अर्थमन्त्री पौडेलले भने, ‘उद्योगीले ३ प्रतिशत निर्यात गरे विशेष उद्योग सरहको सुविधा उपलब्ध गरिने छ ।’
त्यस्तै सरकारले स्टार्टपमा युवाको संख्या बढाउन ३ प्रतिशत ब्याज उपलब्ध गराउन ७३ करोड रुपैयाँ विनियोजन समेत गरेको छ ।
‘काम खोज्ने होइन, काम दिने युवाको संख्या बढाउन स्टार्टप बनाउन सहजीकरण गरिनेछ,’ बजेटमा भनिएको छ, ‘स्टार्टप उद्यमीलाई सहुलियत कर्जा अनुसार ३ प्रतिशत ब्याज उपलब्ध गराउन ७३ करोड विनियोजन गरेको छु ।’
त्यस्तै सरकारले औद्योगिक क्षेत्र निर्माणका लागि १ अर्ब ५० करोड विनियोजन गरेको छ ।
