काठमाडौं । तेह्रथुम पावर कम्पनी लिमिटेडले आगामी असार १६ गतेदेखि शतप्रतिशत हकप्रद शेयर निष्काशन गर्ने भएको छ । कम्पनीले हालको चुक्ता पूँजीको १०० प्रतिशतका दरले, अर्थात १:१ अनुपातमा हकप्रद शेयर जारी गर्न लागेको हो ।
कम्पनीले १०० रुपैयाँ अंकित मूल्यमा कुल ४० लाख कित्ता शेयर निष्काशन गर्दैछ, जसको कुल रकम ४० करोड रुपैयाँ बराबर हुनेछ । यो शेयर निष्काशनका लागि जेठ ५ गते कम्पनीले बुक क्लोज गरेको थियो । जेठ ४ गतेसम्म शेयर कायम रहेका लगानीकर्ताहरूले हकप्रद शेयरमा आवेदन दिन सक्नेछन् ।
आवेदन दिने अन्तिम म्याद साउन ४ गतेसम्म तोकिएको छ । हकप्रद शेयर निष्काशन तथा बिक्री प्रबन्धकको जिम्मेवारी नबिल इन्भेष्टमेन्ट बैंकिङ लिमिटेडलाई दिइएको छ ।
