काठमाडौँ । प्रहरीले गुण्डागर्दीमा संलग्न रहेको भन्दै चक्रे मिलनसहित ६७ जनालाई पक्राउ गरेको छ । बिहीबार मध्यराति महाराजगञ्ज क्षेत्रमा अप्रेसन चलाएर प्रहरीले गुण्डा नाइके चक्रे मिलनसहित गुण्डागर्दीमा संलग्न ६७ जनालाई पक्राउ गरेको हो ।
महाराजगंजमा गुण्डा नाइके चक्र मिलनको बर्थ डे मनाएर होहल्ला गरिरहेको अवस्थामा काठमाडौं उपत्यका अपराध अनुसन्धान कार्यालय र काठमाडौं प्रहरी परिसरको संयुक्त टोलीले उनीहरूलाई पक्राउ गरेको हो ।
अनुसन्धान कार्यालयका प्रवक्ता एवं प्रहरी उपरीक्षक काजीकुमार आचार्यका अनुसार चक्रे मिलनको ‘बर्थडे पार्टी’मा गुण्डागर्दीमा संलग्न व्यक्तिहरू भेला भएको सूचनाको आधारमा प्रहरीले अप्रेसन चलाएको थियो । पक्राउ परेका ६७ जनाको सुक्रिनिङ भैरहेको आचार्यले बताए ।
