काठमाडौँ । नेपाली बजारमा सोमबार सुनचाँदी दुबैको मूल्य घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार सोमबार सुनको मूल्य प्रतितोला ११ सय रुपैयाँले घटेको हो ।
महासङ्घका अनुसार सोमबार छापावाल सुनको मूल्य तोलाको एक लाख ९८ हजार १ सय रुपैयाँमा कारोबार भइरहेको छ । अघिल्लो कारोबार दिन आइतबार सुन एक लाख ९९ हजार २ सय रुपौयाँमा कारोबार भएको थियो ।
यस्तै, आज चाँदीको मूल्य पनि घटेको छ । आज चाँदी २ हजार ३१५ रुपैयाँमा कारोबार भइरहेको छ । अघिल्लो कारोबार दिन आइतबार चाँदी २ हजार ३३० रुपैयाँमा कारोबार भएको थियो ।
आज दश ग्राम सुनको मूल्य एक लाख ६९ हजार ८४० रुपैयाँ र १० ग्राम चाँदीको मूल्य १ हजार ९ सय ८५ रुपैयाँ रहेको छ ।
