काठमाडौँ । साताको पहिलो कारोबार दिन नै नेपाली बजारमा सुनचाँदी दुबैको मूल्य घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुन प्रतितोला ७ सय रुपैयाँले घटेको हो ।
महासंघका अनुसार आइतबार सुन तोलामा एक लाख ९५ हजार ५०० रुपैयाँ कायम भएको छ । शुक्रबार सुनको मूल्य एक लाख ९६ हजार २०० रुपैयाँ थियो ।
यस्तै आइतबार चाँदीको मूल्य पनि घटेको छ । शुक्रबार तोलामा २ हजार ३१५ रुपैयाँ कायम भएको चाँदीको मूल्य आइतबार घटेर तोलामा २ हजार ३१० रुपैयाँ कायम भएको महासंघले जनाएको छ ।
आज दश ग्राम सुनको मूल्य एक लाख ६७ हजार ६१० रुपैयाँ र १० ग्राम चाँदीको मूल्य १ हजार ९८० रुपैयाँ ५० पैसा रहेको छ ।
