काठमाडौँ । साताको अन्तिम कारोबार दिन नेपाली बजारमा शुक्रबार सुनचाँदीको मूल्य बढेको छ। आज सुनको मूल्य प्रतितोला ४ सय रुपैयाँ र चाँदी २० रुपैयाँले बढेको हो ।
नेपाल सुनचाँदी व्यवसायी महासंघका अनुसार शुक्रबार सुन तोलामा एक लाख ९५ हजार २०० रुपैयाँ कायम भएको छ । बिहीबार सुनको मूल्य एक लाख ९४ हजार ८०० रुपैयाँ थियो ।
यस्तै, आज चाँदीको मूल्य पनि बढेको छ । बिहीबार तोलामा २ हजार २ सय ९० रुपैयाँ कायम भएको चाँदीको मूल्य शुक्रबार बढेर तोलामा २ हजार ३ सय १० रुपैयाँ कायम भएको महासंघले जनाएको छ ।
आज दश ग्राम सुनको मूल्य एक लाख ६७ हजार ३५५ रुपैयाँ र १० ग्राम चाँदीको मूल्य १ हजार ९८० रुपैयाँ ५० पैसा रहेको छ ।
