काठमाडौँ । साताको पहिलो दिन नै नेपाली बजारमा सुनचाँदी दुबैको मूल्य ह्वात्तै बढेको छ । नेपाल सुनचाँदी व्यवसायी महासंघले सार्वजनिक गरेको आइतबारको तथ्यांक अनुसार सुनको मूल्य प्रतितोला १६ सय रुपैयाँले बढेको हो ।
महासंघका अनुसार मूल्य बढेसँगै आइतबार सुन तोलामा २ लाख १२ हजार रुपैयाँ कायम भएको छ । शुक्रबार सुन २ लाख १० हजार ४ सय रुपैयाँमा करोबार भएको थियो ।
यस्तै, आज चाँदीको मूल्यले पनि नयाँ रेकर्ड बनाएको छ । शुक्रबार तोलामा २ हजार ४९० रुपैयाँ कायम भएको चाँदीको मूल्य आइतबार २ हजार ५०० रुपैयाँ मूल्यमा कारोबार भएको महासंघले जनाएको छ ।
आज दश ग्राम सुनको मूल्य एक लाख ८१ हजार ७५५ रुपैयाँ र १० ग्राम चाँदीको मूल्य २ हजार १४३ रुपैयाँ ५० पैसा रहेको छ ।
