काठमाडौँ । सोमबारदेखि सुरु भएको जेनजीको आन्दोलनलाई बैंक तथा वित्तीय संस्थामा कार्यरत कर्मचारीहरुले साथ दिएका छन् । बैंक तथा वित्तीय संस्थामा क्रियाशील ट्रेड यूनियनहरुकर्मीहरुले मंगलबार संयुक्त विज्ञप्ती जारी गर्दै आन्दोलनमा आफ्नो पूर्ण साथ रहेको जनाएका हुन् ।
उनीहरुले सरकारले तत्काल जेनजीको माग सम्बोधन नभए सम्पूर्ण कर्मचारीहरू बाध्य भै अनिश्चितकालसम्म कलमबन्द कार्यक्रम प्रारम्भगरी प्रत्यक्षरूपमा सडकमा उत्रेर युवासँगै निर्णायक संघर्षमा होमिने चेतावनी दिएका हुन् ।
‘२०६२र६३ को परिवर्तनकारी आन्दोलनमा समेत नदेखिएको स्तरमा हाल राज्यशक्तिले गरेको बल प्रयोग चरम गैरजिम्मेवारी र अपराधको स्पष्ट उदाहरण हो।हामी स्पष्ट शब्दमा भन्छौं, कुनै पनि व्यवस्थाको नाममा गरिने नागरिक विरोधीदमन अब सह्य हुने छैन’, विज्ञप्तीमा भनिएको छ ।
