काठमाडौँ । सरकारले एकैपटक १३ जना सहसचिवको सरुवा तथा पदस्थापना गरेको छ । जसमा १२ वटा जिल्लाका सीडिओको सरुवा तथा पदस्थापना भएको छ । गृहमन्त्रालयले शुक्रबार एक विज्ञप्ती जारी गर्दै विभिन्न जिल्लाका प्रमुख जिल्ला अधिकारीको सरुवा तथा पदस्थापना गरिएको जनाएको हो ।
सूचना अनुसार हाल नुवाकोटका सीडिओ रहेका शशीधर घिमिरेको कारागार व्यवस्थापन विभाग, कालिकास्थानमा सरुवा गरिरएको छ । यस्तै, गृहमन्त्रालमा रहेका राजन पौडेललाई जिल्ला प्रशासन भोजपुर, मन्त्रायलकै लक्ष्मी प्रसाद पौडेलको पर्वत, रेखा कंगेलको खोटाङ, शान्तिराज प्रसाईँको प्युठान, उमेश ढुंगानाको लमजुङ, हरिप्रसाद घिमिरेको दोलखामा सरुवा गरिएको छ ।
यस्तै, मन्त्रालयकै शिवलाल तिवारीको सीडिओ कार्यालय तनहुँ, लक्ष्मण ढकालको इलाम, मदन कोइरालाको कञ्चनपुर, दीपकराज नेपालको नवलपरासी (बर्दघाट सुस्ता पश्चिम) र महेन्द्र कुमार सापकोटाको सल्यानमा सरुवा गरिएको हो ।
