काठमाडौँ । नेपाली बजारमा मंगलबार सुनचाँदीको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार मंगलबार छापावाल सुन तोलामा एक हजार ८ सय रुपैयाँले बढेर २ लाख ७६ हजार ५ सय रुपैयाँ कायम भएको छ ।
अघिल्लो दिन सोमबार छापावाल सुन तोलामा २ लाख ७४ हजार ७ सय रुपैयाँ कायम भएको थियो ।
यस्तै, मंगलबार चाँदीको मूल्य पनि बढेको छ । सोमबार तोलामा ५ हजार १९५ रुपैयाँ कायम भएको चाँदीको मूल्य मंगलबार बढेर ५ हजार ३४० रुपैयाँ कायम भएको महासंघको भनाइ छ ।
महासंघका अनुसार मंगलबार प्रति १० ग्राम सुनको मूल्य २ लाख ३७ हजार ५५ रुपैयाँ र प्रति १० ग्राम चाँदीको मूल्य ४ हजार ५७८ रुपैयाँमा कारोबार भईरहेको छ ।
