काठमाडौं । रामेछापको मन्थली नगरपालिका–६ बेनीघाट पुल नजिकै तामाकोसी नदीमा बस खस्दा १२ जनाको मृत्यु भएको छ। मृतकमध्ये ११ जनाको सनाखत भइसकेको छ भने एक जनाको परिचय खुल्न बाँकी रहेको छ।

रामेछापका प्रमुख जिल्ला अधिकारी श्यामकृष्ण थापाका अनुसार सनाखत भएका मृतकमध्ये रामेछापका ८ जना, दोलखाका २ जना र सिन्धुलीका १ जना रहेका छन्। एक जनाका आफन्त हालसम्म सम्पर्कमा आएका छैनन्।

मंगलबार बिहान काठमाडौँबाट ओखलढुंगातर्फ जाँदै गरेको बा प्र ००१–०५ ख ९९७५ नम्बरको पूर्व अरनिको यातायात प्रालिको बस पुष्पलाल (मध्यपहाडी) लोकमार्ग अन्तर्गत मन्थली–खुर्कोट खण्डमा बिहान १०ः४० बजे दुर्घटनामा परेको हो।

दुर्घटनालगत्तै नेपाली सेना, नेपाल प्रहरी र सशस्त्र प्रहरी बलको संयुक्त टोलीले उद्धार कार्य गरेको थियो। दुर्घटनामा ७ जना पुरुष र ५ जना महिलाको मृत्यु भएको पुष्टि गरिएको छ। सबै मृतकको शव मन्थली अस्पतालमा राखिएको छ।

मृतकहरूको विवरण (१२ जना)

1. बबि तामाङ (२५), भिमेश्वर नगरपालिका–७, दोलखा

2. मानबहादुर तामाङ (६०), भिमेश्वर नगरपालिका–८, दोलखा

3. दिपेश बस्नेत (२८), लिखु तामाकोशी गाउँपालिका–४, रामेछाप

4. सानुमाया तामाङ (३५), लिखु तामाकोशी गाउँपालिका–७, रामेछाप

5. तारा तामाङ (३१), लिखु तामाकोशी गाउँपालिका–७, रामेछाप

6. भिमबहादुर तामाङ (३६), लिखु तामाकोशी गाउँपालिका–७, रामेछाप

7. रमिता तामाङ (१६), लिखु तामाकोशी गाउँपालिका–७, रामेछाप

8. दिपेन्द्र बस्नेत (२५), लिखु तामाकोशी गाउँपालिका–४, रामेछाप

9. मानकुमारी बरुवाल (४५), लिखु तामाकोशी गाउँपालिका–६, रामेछाप

10. विशाल सुनुवार (२४), उमाकुण्ड गाउँपालिका–६, रामेछाप

11. शिव श्रेष्ठ (३४), गोलन्जोर गाउँपालिका–६, सिन्धुली

12. नाम, थर र वतन नखुलेको (अन्दाजी ५०–५५ वर्ष), पुरुष

घाइतेहरूको अवस्था

दुर्घटनामा चालकसहित ८ जना घाइते भएका छन्। चालक सामान्य उपचारपछि डिस्चार्ज भइसकेका छन् र प्रहरीले उनलाई नियन्त्रणमा लिएको छ। अन्य घाइतेमध्ये ६ जनाको धुलिखेल अस्पतालमा र १ जनाको सैनिक अस्पताल छाउनीमा उपचार भइरहेको छ।

घाइतेहरूको नामावली

• देवकी खड्का (३३), मन्थली नगरपालिका–१२, रामेछाप

• सुशान्त थापा मगर (३१), मन्थली नगरपालिका–११, रामेछाप

• सोनामतेन्जी शेर्पा (५२), उमाकुण्ड गाउँपालिका–५, रामेछाप

• निष्मा शेर्पा (६), उमाकुण्ड गाउँपालिका, रामेछाप

• ओलकबहादुर थापा (७१), लिखु तामाकोशी गाउँपालिका–४, रामेछाप

• समिर श्रेष्ठ (२१), खाँडादेवी गाउँपालिका–३, रामेछाप

• निलिमा तामाङ (१७), भिमेश्वर नगरपालिका–७, दोलखा

• जयबहादुर तामाङ (४५), खिजिदेम्बा गाउँपालिका–२, ओखलढुंगा