काठमाडौँ । उज्यालो नेपाल पार्टीले प्रतिनिधिसभा निर्वाचनका लागि घोषणापत्र सार्वजनिक गरेको छ । आइतबार पत्रकार सम्मेलनका आयोजना गर्दै पार्टीका अध्यक्ष कुलमान घिसिङले सो सार्वजनिक गरेका हुन् ।
उक्त घोषणापत्रमा शासन खर्च घटाउन प्रतिनिधिसभा सदस्य संख्या २७५ वाट २०१ र प्रदेशसभा ५५० बाट ३३० मा कटौती गर्ने, संघीय मन्त्तालय १५ र प्रदेश मन्त्रालय ५ देखि ७ मा सीमित गर्ने, राज्यमन्त्री तथा सहायकराज्यमन्त्री नराख्ने प्रस्ताव गरेको छ । यस्तै सो घोषणात्रिमा प्रदेशमा स्थायित्वका लागि प्रत्यक्ष निर्वाचित मुख्यमन्त्रीको अवधारणसमेत समेटिएको छ ।
सन् २०३०सम्म कुल गार्हस्थ उत्पादन ७० अर्ब अमेरिकी डलर र २०३५ सम्म १११ अर्ब अमेरिकी ठलर पुर्याउने, २०३५ सम्म नेपाललाई उच्च मध्यम आय भएको मुलुकमा रुपान्तरण गर्ने, निर्यातलाई २०३० मा १० अर्ब डलर र २०३५ सम्म २० अर्ब डलरसम्म विस्तार गर्ने, तथा प्रतिवर्ष करिब १० लाख थप रोजगारी सिर्जजा गर्ने लक्ष्य निर्धारिण गरिएको घोषणापत्रमा उल्लेख छ ।
उर्जा क्षेत्रमा २०३० सम्म जलविद्युत उत्पादन १२ हजार मेगावाट र २०३५ सम्म २५ हजार मेगावाटट पुर्याई भारत, बंगलादेख र चीनतर्फ निर्यात वृद्धि गर्ने, साथै जलविद्युत, जडीबुटी, सिमेन्ट, पर्यटन र आईटीलाई प्राथमिकता प्राप्त क्षेत्रको रुपमा प्रवद्र्धन गर्ने उल्लेख छ ।
