काठमाडौँ । राष्ट्रिय स्वतन्त्र पार्टी (रास्वपा) ले शनिबार जनकपुर र आइतबार पोखरामा गर्नै भनिएको चुनावी सभा स्थगित भएको जनाएको छ । पार्टीले आज एक सूचना जारी गर्दै उक्त २ स्थानको सभा स्थगित भएको जनाएको हो ।
संगठनात्मक प्राथमिकता निर्धारण तथा रणनैतिक व्यवथापन लगाएतका विषेश कारण उक्त कार्यक्रम हालका लागि स्थगित गर्ने निर्णय गरिएको पार्टीका निर्वाचन सम्पादन समितिका संयोजक डोल प्रसाद अर्यालले जारी गरेको सूचनामा उल्लेख छ ।
यस्तै, भैरहवाको चुनावी सभा भने विषेश कारणबस स्थगित गरिएको सूचनामा उल्लेख छ । सूचनामा विशेष कारण भनिएतापनि सुरक्षाका कारण रोकिएको जनाईएको छ ।
दाङमा बिहीबार राति रास्वपाले एमालेको झण्डा जलाएपछि एमाले र रास्वपाबीच द्वन्द्व बढ्ने आँकलनबीच सभा स्थगितको अनुमान छ ।
प्रदेशस्तरीय उक्त सभाका लागि पत्रकार सम्मेलन, प्रचार प्रसार र स्टेज निर्माणको काम समेत भइरहेको थियो । रास्वपा बिहीबार नै पत्रकार सम्मेलन गरेर १ लाख सहभागी जुटाउने जनाएको थियो ।
