काठमाडौँ । साताको पहिलो कारोबार नै नेपाली बजारमा आज सुनचाँदीको मूल्य ह्वात्तै घटेको छ ।
नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुनको मूल्य तोलामा ४८ सय रुपैयाँले घटेको हो । सुन आज तोलाको तीन लाख ९ हजार ४०० रुपैयाँमा कारोबार भइरहेको छ । गत शुक्रबार सुनको भाउ तीन लाख १४ हजार २०० रुपैयाँ थियो ।
यस्तै, आज चाँदीको मूल्य पनि घटेको छ । आज चाँदी तोलामा २२५ रुपैयाँले घटेर पाँच हजार २७० रुपैयाँमा कारोबार भइरहेको छ ।
© 2026 All right reserved to cnnkhabar.com | Site By : SobizTrend
