काठमाडौं । नेपालीहरूको महान् चाड बडादसैँलाई लक्षित गर्दै सूचना प्रविधि, ग्याजेट तथा मनोरञ्जन सम्बन्धी विभिन्न प्रडक्ट बिक्री गर्दै आएको निओ स्टोरले ‘निओ फेस्टिभ फिएस्टा’ (Neo Festive Fiesta) नामक विशेष चाडपर्व योजना सार्वजनिक गरेको छ । ‘यस दसैं, Upgrade पनि Celebration पनि !’ भन्ने मूल नाराका साथ सुरु गरिएको यस योजनाअन्तर्गत ग्राहकले नयाँ ल्यापटप तथा स्मार्टफोन खरिद गर्दा विभिन्न निश्चित उपहार, साप्ताहिक लक्की ड्र र बम्पर पुरस्कार प्राप्त गर्न सक्नेछन् । चाडपर्वको अवसर पारेर प्रविधि अपग्रेड गर्न चाहने उपभोक्तालाई दोहोरो लाभ दिने उद्देश्यले यो अभियान सञ्चालन गरिएको हो ।
अभियानअन्तर्गत ल्यापटप खरिद गर्ने ग्राहकलाई तत्कालै ‘निश्चित उपहार’ (Sure Shot Gift Hamper) प्रदान गरिने व्यवस्था गरिएको छ । यस योजनामा ल्यापटप किन्ने ग्राहकले चिट्ठा कुर्नु नपर्ने गरी सातवटा दैनिक आवश्यक एसेसोरिजहरू उपहारस्वरूप पाउनेछन् । जसमा ल्यापटप ब्याग, माउस, हेडफोन, ल्यापटप सफा गर्ने क्लिनिङ किट, पेनड्राइभ, माउसप्याड तथा किबोर्ड कभर समावेश छन् । यसले गर्दा नयाँ ल्यापटप किन्नेबित्तिकै त्यसका लागि चाहिने आधारभूत सबै सामग्री ग्राहकले अतिरिक्त शुल्कबिना एकमुष्ट प्राप्त गर्न सक्नेछन् ।
निश्चित उपहारका अतिरिक्त ग्राहकहरूलाई थप उत्साहित बनाउन साप्ताहिक लक्की ड्रको समेत प्रबन्ध गरिएको छ । योजना अवधिभर लगातार सात सातासम्म हरेक हप्ता ३-३ जना भाग्यशाली विजेता छनोट गरिनेछ । यसरी छानिएका विजेताहरूले आधुनिक प्रविधियुक्त ‘एक्युफिट’ (Aqfit) ब्रान्डको स्मार्टवाच उपहार पाउनेछन् । साप्ताहिक रूपमा सञ्चालन हुने यस उपहार कार्यक्रमबाट सात हप्ताको अवधिमा कुल २१ जना ग्राहक लाभान्वित हुनेछन् ।
यस चाडपर्व अभियानको सबैभन्दा ठुलो आकर्षणका रूपमा ‘ग्रान्ड फिनाले’ रहनेछ, जहाँ तीनजना भाग्यशाली बम्पर विजेता घोषणा गरिनेछ । बम्पर लक्की ड्रमार्फत छानिने तीन जना विजेतालाई घरायसी प्रयोगका लागि बहुउपयोगी मानिएका ‘हायर’ (Haier) ब्रान्डका उच्चस्तरीय उपकरणहरू प्रदान गरिनेछ । जसअन्तर्गत एक जनाले हायर वासिङ मसिन, एक जनाले हायर रेफ्रिजेरेटर र अर्का एक जनाले हायर टेलिभिजन प्राप्त गर्नेछन् । अभियानको अन्त्यमा पारदर्शी रूपमा बम्पर विजेताहरूको नाम सार्वजनिक गरिने कम्पनीले जनाएको छ ।
ल्यापटपका अलावा स्मार्टफोन खरिदकर्ताका लागि पनि निओ स्टोरले विशेष अफर ल्याएको छ । निश्चित मोडेलका स्मार्टफोन खरिद गर्दा ग्राहकलाई ‘नि-वन पियोरबिट्स मुभ’ (neOne Purebeats Move) ब्रान्डको वायरलेस इयरबड पूर्ण रूपमा निःशुल्क (Free Gift) उपलब्ध गराइनेछ। यो सुविधा साओमी/रेड्मी, नथिङ, सामसङ, वनप्लस, ओप्पो लगायतका प्रमुख ब्रान्डका छनोट गरिएका स्मार्टफोन मोडलहरूमा लागु हुनेछ ।
यसैगरी, ग्राहकको आर्थिक सहजतालाई ध्यानमा राख्दै सामसङ ब्रान्डका स्मार्टफोन खरिदमा मात्र शून्य प्रतिशत ब्याजदरको किस्ताबन्दी (ईएमआई) सुविधा उपलब्ध गराइएको छ ।
दसैँको अवसरमा ग्राहकलाई गुणस्तरीय ग्याजेट खरिद गर्न सहज वित्तीय पहुँच पुगोस् भन्ने हेतुले यो सुविधा ल्याइएको हो । चाडपर्वको समयमा नयाँ प्रविधि भित्र्याउने चाहना पूरा गर्दै उत्सवलाई अझै रमाइलो र फलदायी बनाउने उद्देश्यले ल्याइएको यस अभियानका अफर तथा सर्तहरू स्टोरअनुसार लागु हुने निओ स्टोरले स्पष्ट पारेको छ ।
