काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई पक्राउको हल्लासँगै यतिबेला रास्वपाको मुख्यालय वनस्थलीमा नेता तथा कार्यकर्ताहरुको घुईंचो लागेको छ । सभापति रवि लामिछाने पक्राउ पर्ने हल्लासँगै नेता तथा कार्यकर्ताहरुको आईरो लागेको हो ।
उनलाई पक्राउको हल्लासँगै मुख्यालयमा भिड लागेतापनि प्रहरीले भने पक्राउको कुनै तयारी नै नभएको जनाएको छ । उनलाई आज नभएर चाँंडै पक्राउको तयारी थालिने प्रहरी उच्च स्रोतले जनाएको छ ।
रविलाई चाँडै पक्राउ गर्ने तयारी भने छ । जिल्ला अदालत पोखराबाट पक्राउ पूर्जि लिएर पक्राउ गरिने स्रोतले बतायो ।
सहकारीको ६५ करोड बचत रकम गोरखा मिडियामार्फत् अपचलन गतिविधिमा जोशी संलग्न रहेको संसदीय विशेष छानबिन समितिको प्रतिबेदनमा उल्लेख छ । मिडियाका उनका व्यवसायीक साझेदारी समेत नेपाल प्रहरीका पूर्वडीआईजीसमेत रहेका छविलाल जोशीलाई आइतबार काठमाडौं उपत्यका अपराध अनुसन्धान कार्यालयको टोलीले काठमाडौंको शंखमुलबाट पक्राउ गरेको हो ।
काठमाडौँमा पक्राउ परेका उनलाई आइतबार साँझ नै पोखरा लगिएको छ ।
