काठमाडौँ । इटालियन प्रिमियम मोटरसाइकल ब्रान्ड ‘मोर्बिडेली’ नेपाली बजारमा भित्रिएको छ । व्यवसायी घराना
वैद्य ग्रुप अन्तर्गतको भोइथ इनर्जीले मोर्बिडेलीका पाँच मोडलका मोटरसाइकल सार्वजनिक गरि बिक्री सुरु गरेको हो।
कम्पनिले बिहीवार एक कार्यक्रम गरी नक्साल नारायण चौरमा सोरुम उद्घाटन गर्दै मोर्बिडेली बाइक सार्वजनिक गरेको हो। वैद्य ग्रुपले न्यूनतम ९ लाखदेखि अधिकतम ४५ लाख रुपैयाँसम्म मूल्यको बाइक सार्वजनिक गरेको छ।
मोर्बिडेली T502x मूल्य १३ लाख ४९ हजार रुपैयाँ राखिएको छ। यसैगरी F352 र T352x मूल्य ९ लाख ९६ हजार ९०० रुपैयाँ तथा टी T1002vx मूल्य ४४ लाख ९९ हजार ९०० रुपैयाँ र c252V को मूल्य ९ लाख ६९ हजार ९०० रुपैयाँ तोकिएको छ।
साथै, काठमाडौंको नक्सालमा नयाँ शोरूम सञ्चालनमा आएको छ, जहाँ ग्राहकहरूले प्रिमियम मोटरसाइकलको अनुभव लिन सक्नेछन्।
ग्राहक सेवालाई ध्यानमा राख्दै कम्पनीले हाल तिनकुनेमा सर्भिस सेन्टर सुविधा प्रदान गरिरहेको छ भने निकट भविष्यमा उत्तरढोकामा थप सर्भिस सेन्टर विस्तार गर्ने योजना रहेको छ।
प्रिमियम डिजाइन, शक्तिशाली इन्जिन र रेसिङ हेरिटेजका लागि परिचित मोर्बिडेलीले नेपाली बजारमा उच्चस्तरीय राइडिङ अनुभव प्रदान गर्ने विश्वास कम्पनीले लिएको छ।
करिब पाँच दशक लामो व्यावसायिक अनुभव बोकेको वैद्य अर्गनाइजेशनले नेपालमा अटोमोबाइल क्षेत्रमा विश्वासिलो ब्रान्ड निर्माण गर्दै आएको छ । यसअघि समूहले प्रिमियम इलेक्ट्रिक स्कुटर ब्रान्ड Ather लाई नेपाली बजारमा भित्र्याएर उल्लेखनीय सफलता हासिल गरिसकेको छ ।
