काठमाडौँ । सुनको मूल्यले नयाँ किर्तिमानी कायम गरेको छ । पछिल्लो केहीदिन यता बढ्दै गएको सुनको मूल्य तोलाकै एक लाख ६० हजार रुपैयाँभन्दा माथि लागेको हो ।
बुधबार तोलामा ७ सय रुपैयाँले बढेर सुनको मूल्य प्रति तोला १ लाख ६० हजार ४ सय रुपैयाँ पुगेको हो । मंगलबार तोलाको १ लाख ५९ हजार ७ सय रुपैयाँमा सुनको कारोबार भएको थियो ।
बुधबार प्रति १० ग्राम छापावाल सुनको भाउ १ लाख ३७ हजार ५ सय १५ रुपैयाँ तोकिएको छ । नेपाली बजारमा आज कायम सुनको भाउ हालसम्मकै उच्च हो ।
बुधबार सुनसँगै चाँदीको मूल्य समेत बढेको छ । मंगलबारको तुलनामा बुधबार तोलामा ४० रुपैयाँले बढेर प्रतितोला १ हजार ९ सय ५५ रुपैयाँ कायम भएको हो ।
