काठमाडौँ । त्रिभुवन अन्तर्राष्ट्रिय विमानस्थलको हवाई आवागमन हुने तथा आसपासका क्षेत्रमा चंगा, ड्रोन वा बेलुन उडाउन प्रतिबन्ध लगाइएको छ ।
त्रिभुवन अन्तर्राष्ट्रिय विमानस्थल नागरिक उडड्यन कार्यालयले बिहीबार एक सूचना जारी गर्दै विमानस्थल आसपासका क्षेत्रमा उक्त उडानमा रोक लगाएको हो ।
यस्तै, एयरपोट आसपास लेजर लाइट समेत प्रयोग नर्गन सूचनामा उल्लेख छ ।
चाडबाड नजिकिएसँगै चंगा उडाउने क्रम बढेको र त्यसले हवाई सुरक्षामा गम्भीर असर पुग्न सक्ने भन्दै विमानस्थल आसपासका जहाज उड्ने क्षेत्रमा चंगा, बेलुन वा ड्रोन नउडाउन भनिएको हो ।
यदि कसैले यो सूचनाको अवज्ञा गरेरगराएमा प्रचलित कानुन बमोजिम कारबाही गर्ने नागरिक उड्डयन कार्यालयले जनाएको छ ।
