काठमाडौँ । काठमाडौा महानगरपालिकाका पूर्व प्रमुख एवंम महानगर घोषणा गर्ने पिएल सिंहको मृत्यु भएको छ । उनको पुस १ गते आफ्नै निजी निवासमा निधन भएको महानगरपालिकाले जनाएको छ ।
उनै सिंहले २०५२ मंसिर २९ गते काठमाडौँ नगरपालिकालाई महानगरपालिकाका रुपमा घोषणा गरेका थिए । महानगरले सोमबार एक विज्ञप्ती जारी गर्दै सिंहको निधनप्रति भावपूर्ण श्रद्धाञ्जली व्यक्त गरेको छ ।
उनको निधनमा महानगरले शोक बिदाको घोषणा गर्दै आज अति आवश्यक बाहेकका सेवा प्रवाह बन्द रहेको जनाएको छ ।
‘प्रमुखका रुपमा काठमाडौँ महानगरपालिकामा रहँदा र समाज सेवामा सक्रिय हुँदा उहाँले पुर्याउनु भएको योगदानको उच्च सम्मान गर्दै आज मिति २०८१ पुस १ गते अत्यावश्यक सेवाबाहेक काठमाडौँ महानगरपालिका र मातहतका कार्यालयहरुमा शोक विदा रहने निर्देशानुसार अनुरोध गरिन्छ’, विज्ञप्तीमा भनिएको छ ।
