काठमाडौँ । भारतमा हुने भारत मोविलिटीमा सहभागीता हुने सम्बन्धमा नाडा अटोमोवाइल्स एशोसिएशन अफ नेपाल (नाडा) ले छलफल गरेको छ ।
नाडाका प्रतिनिधि मण्डलले बुधबार भारत मोविलिटीका सन्दर्भमा नेपालस्थित भारतिय दुतावासका प्रमुख बाणिज्य सचिव सुमन शेखरसँग अन्तरक्रिया कार्यक्रम आयोजना गरेको थियो ।
सो अन्तरक्रिया कार्यक्रममा इन्जिनियरिङ्ग एक्सपोर्ट प्रमोशन काउन्सील अफ इण्डियाका तर्फबाट पल्लवी साह, सोसाइटी अफ इण्डियन अटोमोवाइल मेनुफेक्चर्स (सीयाम)का तर्फबाट देवासिस मजुमदर तथा नाडाका अध्यक्ष करण चौधरीबीच रोड्स शो अन भारत मोविलिटी ग्लोवल एक्सपो को सम्बन्धमा विस्तृत अन्तरक्रिया कार्यक्रम सम्पन्न भएको नाडाले जनाएको छ ।
उक्त अन्तरक्रियामा नाडाका अध्यक्ष चौधरीले नेपालको अटोमोवाइल क्षेत्रका विविध पक्षहरुका सम्बन्धमा चर्चा गर्दै नेपालको अटोमोवाइल क्षेत्रको प्रवद्र्धनका लागि भारतको सहयोग अपरिहार्य भएको बताए ।
२०२५ जनवरीको १७ देखि २२ तारिखसम्म सोसाइटी अफ इण्डियन अटोमोवाइल मेनुफेक्चस (सीयाम) को पहलमा भारतको नयाँ दिल्लीको भारतमण्डपम, यसोभूमि द्धारिका र ग्रेटर नोइदामा भारत मोविलिटी अन्तर्गत अटो एक्सपो—दि मोटर शो २०२५ हुन लागेको छ । उक्त शोलाई लक्षित गर्दै नाडाले उक्त अन्तरक्रिया आयोजना गरेको हो ।
उक्त अन्तरक्रियामा नाडाको तर्फबाट उपाध्यक्ष राजनबाबु श्रेष्ठ, महासचिव सुरेन्द्रकुमार उपे्रती, सचिव विक्रम सिंहानिया, सहकोषाध्यक्ष पंकज अग्रवाल, केन्द्रीय कार्य समितिका सदस्यद्धय कपिल शिवाकाटी, यमुना श्रेष्ठ, प्रकाश कपुरी, ऋद्धि कार्की, दिपेन्द्रकुमार मिश्रा, मेघराज पौडेल, निलमणी पाठक, अभिक ज्योती, दिपकराज गिरी, नविनकुमार पारख र नारायणप्रसाद पौडेल लगायतको उपस्थिती रहेको थियो ।
