काठमाडौं । अदालत परिसरमा वरिष्ठ अधिवक्ता दिनेश त्रिपाठीमाथि हातपात गर्ने व्यक्ति यदि दलको कुनै पनि सदस्यको संलग्नता भेटिएमा आवश्यक कारबाही हुने राष्ट्रिय स्वतन्त्र पार्टी (रास्वपा) ले जनाएको छ ।
रास्वपा प्रवक्ता (कार्यबाहक) मनिष झाले बुधबार धारणा सार्वजनिक गर्दै यस किसिमको व्यवहार कानूनी शासन, सुदृढ राजनीतिक अभ्यास र न्यायप्रति विश्वास राख्ने राजनीतिक दलको लागि स्वीकार्य नरहेको जनाएका छन् ।
‘आज काठमाडौं जिल्ला अदालत परिसरभित्र सहकारी बचत अपचलन विषयको बहस भएपश्चात अदालतबाट निस्किँदै गर्दा वरिष्ठ अधिवक्ता श्री दिनेश त्रिपाठीज्यूमाथि हातपात भएको घटनाबारे जानकारी पायौं । पक्कै पनि यस किसिमको व्यवहार कानूनी शासन, सुदृढ राजनीतिक अभ्यास र न्यायप्रति विश्वास राख्ने राजनितिक दलको लागि स्वीकार्य छैन । यस विषयमा राष्ट्रिय स्वतन्त्र पार्टीको सम्बन्धित अनुशासन विभागको ध्यानाकर्षण भएको छ र सो घटनामा यदि दलको कुनै पनि सदस्यको संलग्नता भेटिएमा आवश्यक कारबाही हुनेछ ।’
घटनामा संलग्न रहेको आरोपमा प्रहरीले १ जनालाई पक्राउ गरे पनि नाम सार्वजनिक गरिएको छैन ।
