काठमाडौँ । नेपाल नागरिक उड्डयन प्राधिकरण (क्यान) ले सातौँ तहमा कर्मचारी माग गरेको छ ।
प्राधिकरणले शुक्रबार एक सूचना जारी गर्दै सातौँ तहमा करारमा नियुक्ति गर्ने गरी प्राविधिक, समूहः एट्रास, तहः सातौँ, पद ः वरिष्ठ अधिकृतमा २५ जना कर्मचारी माग गरेको हो ।
स्थायी पदपूर्ति भएमा स्वतः हट्ने गरी नेपाल नागरिक उड्डयन प्राधिकरण कर्मचारीहरूको सेवाका सर्त र सुविधा सम्बन्धी नियमावली, २०५६ को नियम ४. ११ बमोजिम बढीमा एक वर्षका लागि करार सेवामा नियुक्ति गरिने प्राधिकरणले जनाएको छ ।
योग्यता पुगेका नेपाली नागरिकहरूले सूचना प्रकाशित मितिले २१ दिनभित्र दरखास्त फाराम भर्न सूचनामा उल्लेख गरिएको छ ।
इच्छुक आवेदकले अनलाईन मार्फत दरखास्त दिन सक्नेछन् । २१ वर्षदेखि ३५ वर्ष ननाघेका आवेदकले आवेदन दिन मिल्नेछ भने परीक्षा शूल्य १२ सय रुपैयाँ तोकिएको छ ।
