काठमाडौँ । सुनसरी जिल्लाको दुहवी नगरपालिका सामाजिक सुरक्षा कोषमा आवद्ध भएको छ ।
शुक्रबार औपचारिक र अनौपचारिक क्षेत्रका कामदारहरुलाई सामाजिक सुरक्षा कोषमा ल्याउने गरी आवद्ध भएको हो ।
सामाजिक सुरक्षा कोषका कार्यकारी निर्देशक कविराज अधिकारी र दुहबी नगरपालिकाका नगरप्रमुख बेद कुमार गच्छदार बिच समझौता पत्रमा हस्ताक्षर भएको कोषको कर्यालयले जनाएको छ ।
उक्त सम्झौतापत्रमा हस्ताक्षर भएसँगै अब औपचारिक र अनौपचारिक क्षेत्रमा श्रमिकहरु कोषमा आवद्ध हुने बाटो खुलेको छ । यसअघि नै अन्य नगरपालिका तथा गाउँपालिका कोषमा आवद्ध भैसकेका छन् ।
