काठमाडौँ । साताको पहिलो कारोबार दिन नै सुनचाँदीको मूल्य ह्वात्तै घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार आइतबार सुनको मूल्य तोलामै ३ हजार रुपैयाँले घटेको हो ।
महासंघका अनुसार आइतबार एक तोला सुनको मूल्य १ लाख ९० हजार ७०० रुपैयाँ कायम भएको छ। अघिल्लो साताको अन्तिम कारोबार दिन शुक्रबार एक तोला सुन १ लाख ९३ हजार ७०० सय रुपैयाँमा खरिदबिक्री भएको थियो।सुनको मूल्य घटेसँगै चाँदीको भाउ पनि घटेको छ।
आज ५ रुपैयाँले घटेर एक तोला चाँदी २१ सय ५० रुपैयाँमा किनबेच भइरहेको महासंघले जनाएको छ।
