काठमाडौं । एभरेष्ट बैंक लिमिटेडले आफ्नो शाखा विस्तारको क्रममा मधेश प्रदेशको महोत्तरी जिल्लाको बर्दिबास नगरपालिका–१ मा १३३औँ शाखा सञ्चालनमा ल्याएको छ । असार १९ गते सम्पन्न उद्घाटन समारोहमा बर्दिबास नगरपालिकाका मेयर प्रहलाद कुमार क्षेत्री र बैंकका प्रमुख कार्यकारी अधिकृत सुदेश खालिङूले संयुक्त रूपमा नयाँ शाखाको उद्घाटन गरेका हुन् ।
समारोहमा वडा नं १ का वडा अध्यक्ष भोला खड्का, बर्दिबास उद्योग वाणिज्य संघका अध्यक्ष विष्णु खड्का, बैंकका मधेश प्रदेश प्रमुख पुष्पराज उप्रेती, बैंकका कर्मचारी तथा स्थानीयवासीहरूको उल्लेख्य उपस्थिति रहेको थियो ।
बैंकले नयाँ शाखा स्थापना भएसँगै बर्दिबास तथा आसपासका स्थानीयवासीलाई अत्याधुनिक, सरल र सहज बैंकिङ सेवा प्रदान गर्न थप सहज हुने विश्वास व्यक्त गरेको छ ।
शाखा उद्घाटनसँगै मधेश प्रदेशमा एभरेष्ट बैंकको शाखा संख्या १५ पुगेको छ । बर्दिबासमा शाखा कार्यालय स्थापनाले यस क्षेत्रको आर्थिक गतिविधि थप सशक्त हुने र समग्र आर्थिक विकासमा टेवा पुग्ने अपेक्षा बैंकले लिएको छ ।
एभरेष्ट बैंकले देशभर सेवा सञ्जाल विस्तार गर्दै गुणस्तरीय बैंकिङ सेवा प्रदान गर्दै आएको छ ।
