काठमाडौँ । अध्ययनका लागि क्यानडा जाने विद्यार्थीलाई लक्षित गर्दै दूतावासले ७ बुदे सुझाव दिएको छ । दूतावासले शनिबार एक सूचना जारी गर्दै उक्त सुुझाव दिदैँ अध्ययन गर्न विद्यार्थी तथा अभिभावकलाई सुझाव दिएको हो ।
अहिले विश्वभरबाट क्यानडा आउने विद्यार्थीको संख्या बढिरहेकोले डेरा र रोजगारी पाउने अवसर कठिन हुँदै गएकोबारे दूतावासले स्मरण गराएको छ । त्यसैले क्यानडा जानुअघि बस्ने ठाउँको यकिन गर्न सुझाव दिएको छ ।
यस्तै, दूतावासले अटवास्थित नेपाली दूतावासले नयाँ शैक्षिक सत्रको सुरुआतको पूर्वसन्ध्यामा विज्ञप्ति जारी गर्दै सबै कुराको जानकारी लिएर मात्रै क्यानडा आउन विद्यार्थीलाई सुझाव दिएको हो ।
यसअघि पनि दूतावासले वैशाखमा विज्ञप्ति जारी गर्दै क्यानडामा विद्यार्थीले आउनेवित्तिकै रोजगारी पाइन्छ भन्ने भ्रममा नपर्न भनेको थियो ।
