काठमाडौं । सेयर कारोबार मापक नेप्से ५८.९३ अंकले घटेर २ हजार ४ सय ७०.३९ विन्दुमा झरेको छ । सोमबार नेप्से ५९.०२ अंकले घटेको थियो । अघिल्लो दिन कारोबारमा आएकामध्ये १० कम्पनीको सेयर मूल्य बढ्यो भने २ सय ३३ वटा कम्पनीको घटेको छ । बाँकी एउटा कम्पनीको सेयर मूल्य स्थिर छ ।
मंगलबार ७७ हजार २ सय ६४ सेयर कारोबार हुँदा १ करोड ५५ लाख ५ हजार कित्ता किनबेच भयो । ती किनबेचमा ५ अर्ब ६८ करोड रुपैयाँ बराबरको सेयर कारोबार भएको छ । अघिल्लो दिनको तुलनामा कारोबार रकम सामान्य बढेको हो । सोमबार ५ अर्ब ६६ करोड रुपैयाँको सेयर कारोबार भएको थियो । सो दिन कारोबारमा आएका १३ उपसमूहमध्ये सबैको परिसूचक घटेको छ ।
