काठमाडौं । नेपाली बजारमा सुनको मूल्य फेरि ३ लाख रुपैयाँ नाघेको छ। आइतबार सुनको मूल्य प्रतितोला १ हजार २ सय रुपैयाँले बढ्दै ऐतिहासिक उचाइमा पुगेको हो।
शुक्रबार प्रतितोला १ लाख ९९ हजार ८ सय रुपैयाँ रहेको छापावाल सुन आइतबार बढेर ३ लाख १ हजार रुपैयाँ पुगेको नेपाल सुनचाँदी व्यवसायी महासंघले जनाएको छ। पछिल्ला दिनहरूमा अन्तर्राष्ट्रिय बजारको प्रभावसँगै सुनको मूल्यमा तीव्र उतारचढाव देखिँदै आएको छ।
यसैगरी, चाँदीको मूल्यमा पनि वृद्धि भएको छ। शुक्रबार प्रतितोला ५ हजार १३० रुपैयाँ रहेको चाँदी आइतबार ९५ रुपैयाँले बढ्दै ५ हजार २२५ रुपैयाँ पुगेको छ।
